Ambasada e SHBA-ve në Beograd në shkurt të 2008, teksa mijëra persona kishin dalë të protestonin pavarësinë e Kosovës, ka rënë pre e sulmit, ku disa persona i vunë zjarrin një pjese të ndërtesës.
Katër personat e dyshuar për këtë sulm janë njohur sot me vendimin e gjykatës në kryeqytetin serb. Me vendim gjykate të dyshuarit janë liruar.
Ky vendim është bërë me dije nga Gjykata e Apelit, e cila njofton se ka përmbysur dënimin e pezulluar me burgim për katër persona të dyshuar dhe ka konfirmuar lirimin e tre personave të tjerë nga një gjykatë më e ulët.
“Prokurorët kanë dështuar që të ofrojnë të dhëna të mjaftueshme për të mbështetur padinë”, është thënë në deklaratë.
Një 20-vjeçar ka vdekur në incidentin e vitit 2008, ngjarje që ka tensionuar për vite marrëdhëniet në mes të Uashingtonit dhe Beogradit.
