Artisti serb Çedomir Petroviç, pas vizitës së Putin në Beograd ka lëshuar një deklaratë të fortë lidhur me raportet Serbi-Rusi.
Përmes një artikulli, Petroviç ka kërkuar që Serbia të njohë pavarësinë e Kosovës dhe të vendosë sanksione kundër Rusisë.
“Po na vjen shoku Putin”, kështu titullohet artikulli i Petroviç, ku ky i fundit ka shkruar se Serbisë nuk i ka ardhur asnjë e mirë nga Rusia dhe kjo sipas tij është arsyeja pse kërkon që shteti i tij ti vendosë sanksione Rusisë.
Media serbe ‘Danas’ shkruan se gjithashtu Petroviç shprehet se Serbia duhet të harmonizojë politkën e saj të jashtme me atë të Bashkimit Europian dhe të vazhdojë përpjekjet për anëtarsim në BE dhe Aleancën veri-atlantike.
“Pa na brejtur ndërgjegjja e pa kurrfarë ndjenje se i kemi borxh dikujt, e më së paku Rusisë, të bëjmë edhe një përpjekje të madhe për njohje të Kosovës, t’i vendosim sanksione Rusisë dhe të harmonizojmë politikën tonë të jashtme me atë të BE-së. Të përpiqemi për anëtarësim në BE dhe Aleancën veri-atlantike”, ka thënë Petroviq.
Vendosja e taksës nga Prishtina, dhe vendimi i Beogradit për mos njohje të Kosovës sipas tij është sikurse ajo pyetja e vjetër “pula apo veza’.
“Kësaj rradhe të mos mbetemi pa vezë dhe pa pulë”, ka përfunduar ai.
