19.01.2019 - 15:34
PDIU cilësoi sot absurd vendimin e Partisë Demokratike për të dalë në protesta deri në rrëzimin e Edi Ramës.
Sipas kreut të kësaj partie, Shpëtim Idrizi, opozita nuk ofron asnjë zgjidhje për qytetarët vetëm duke denoncuar qeverinë për rastet flagrante. Ajo që i duhet shqiptarëve sipas Idrizit, janë platforma për të zgjidhur hallet , gjë që opozita nuk po e ofron aspak.
Idrizi gjithashtu akuzoi gjithë politikën shqiptare pasi sipas tij nuk ka forcën e mjaftueshme për t’i kërkuar Greqisë respektimin e të drejtave çame apo heqjen e Ligjit të Luftës.
PDIU ju bëri thirrje shqiptarëve që jetojnë në diasporë të protestojnë për të drejtat e çamëve madje edhe para kongresit amerikan, pasi ata vetë ndihen të pafuqishëm në politikën shqiptare.
