21.01.2019 - 15:35
Kryetari i Partisë Demokratike, Lulzim Basha ka zhvilluar mbledhjen e parë me sekretarët e sapo zgjedhur të selisë blu, ku ka marrë pjesë dhe ish-presidenti Bujar Nishani tashmë në detyrën e kryetarit të Këshillit Kombëtar.
Burimet kanë bërë të ditur se Basha u ka kërkuar të përqendrojnë punën te organizimi i protestave, duke ua përcaktuar dhe si detyrë kryesore.
Ndërkaq në selinë e PD është kërkuar zhvillimi i një mbledhje me aleatët e PD ku do të diskutohet organizimi i protestave.
Po në mbrëmje, Basha ka kërkuar dhe mbledhjen e Kryesisë së kësaj partie, e cila është zgjedhur të shtunën që kaloi.