Ditën e sotme nga seanca plenare në Kuvend, gjatë fjalës saj, ministrja e Drejtësisë Etilda Gjonaj, ka drejtuar një thirrje kundrejt studentëve të Drejtësisë.
Ajo thërret ata të përfitojnë nga mundësia për t’u punësuar në administratë e për të fituar eksperincë përmes platformës së re “Punë e mbarë”.
Një pjesë e studentëve të Juridikut vijojnë ende bojkotin e mësimit teksa një tjetër grup ka vijuar mësimin.
Po ashtu ajo tha se kjo, mazhorancë ishte e vetmja që kishte vullnetin për të bërë Reformën në Drejtësi.
Ministrja Gjonaj gjithashtu u shpreh se kjo qeveri ka kryefjalë dhe luftën ndaj krimit të organizuar.
“Vetëm kjo mazhorancë mund ta zbatojë Reformën në Drejtësi. Lufta ndaj krimit të organizuar ka qenë prioritet i qeverisë dhe ka pasur mbështetje të rëndësishme financiare.
Ashtu si sistemi i sigurisë së burgjeve. Praktika e shëmtuar e punësimit të punonjësve të burgjeve nga selia e partisë është ndaluar dhe tashmë kjo do sanksionohet dhe do ketë dhe ligj përkatës për këtë. Punësimi i punonjësve të Policisë së Burgjeve, realizohet tashmë vetëm përmes akademisë së Policisë”, u shpreh ajo.
