Fama e saj është e jashtëzakonshme, sigurisht edhe të ardhurat, por nuk ka qenë gjithmonë kështu për yllin e pop, Madonna-n.
Nëpërmjet një postimi në Instagram, ajo ka treguar se dikur nuk kishte para as të blinte fustane të reja dhe është detyruar që t’i qepë vetë.
“Motra ime Paula dhe unë në ditën e diplomimit në shkollë të mesme! I qepëm vetë fustanet nga skicat e ‘Butterick’. Më vinte kaq turp që nuk kishim mundësi të blinim fustane në dyqane. Nga ana tjetër, më vjen mirë që mësova si të qep me makinë qepëse. Vini re: As dekolte, as gjunjë të ekspozuar! Babi Ciccone ishte shumë strikt!”, ka shkruar Madonna krahas postimit.
Më herët ajo ka treguar se gjatë kohës që ishte në shkollë ka pozuar nudo dhe me paratë e fituara ka paguar qiranë e banesës.
