Shtetet e NATO-s nënshkruan sot një marrëveshje me Maqedoninë, duke i mundësuar shtetit ballkanik që të bëhet anëtari i 30-të i aleancës ushtarake. Marrëveshja u nënshkrua sot në një ceremoni në selinë e NATO-s në Bruksel.
Shteti i parë që nënshkroi ishte Republika e Shqipërisë. Ceremonia e nënshkrimit të Protokollit u përcoll me vëmendje të madhe edhe nga Qeveria e Republikës së Maqedonisë, prezent në sallën e Qeevrisë ishte edhe zv. ministri i jashtëm Andrej Zhernovski dhe një numër i madh i gazetarëve.
Këto zhvillime u paraprinë nga votimi i marrëveshjes së Prespës nga Parlamenti grek, duke i dhënë fund një konflikti 27-vjeçar mbi çështjen e emrit të Maqedonisë.
Parlamenti grek e ratifikoi në fund të janarit “Marrëveshjen e Prespës”, që i dha fund konfliktit shumëvjeçar mes dy shteteve fqinje. Me këtë marrëveshje u pranua ndryshimi i emrit në Republika e Maqedonisë së Veriut, ndërsa Shkupi pranoi se gjuha maqedonase është pjesë e grupit të gjuhëve sllave dhe se identiteti nuk ka të përbashkëta me maqedonasit e lashtë.
Ata miratuan emrin Republika e Maqedonisë Veriore. Greqia kishte bllokuar anëtarësimin e Maqedonisë duke thënë se emri nënkuptonte ambiciet territoriale. Ligjvënësit grekë miratuan marrëveshjen pavarësisht kundërshtimit të gjerë nga publiku.
Mosmarrëveshja e zgjatur bëri gjithashtu që Greqia të pengonte Maqedoninë edhe në përpjekjet e saj drejt Bashkimit Evropian.
