Një lajm i mirë për sportin shqiptar dhe peshëngritjen në veçanti, sidomos pas skandalit të dopingut me Romela Begajn.
Erkand Qerimaj është edhe zyrtarisht fituesi i medaljes së bronzit në Kampionatin Botëror që u zhvillua në Anaheim, SHBA.
Lajmi është konfirmuar nga faqja zyrtare e Federatës Botërore të Peshëngritjes dhe Qerimaj ka qenë shumë entuziast për këtë.
“Zyrtarizohet marrja nga ana ime e Medaljes së bronzit në Kampionatin Botëror që u zhvillua në Anaheim, USA. Sukses i madh imi personal, trajerit tim Zef Kovaçi dhe sportit shqiptar. Tashmë medaljeve të mia i shtohet edhe ajo e vendit të tretë në botë”, shkruan peshëngritësi në rrjetet sociale.
Shkodrani e mbylli garën i katërti, por vendi i tretë, Dimtru Kapataru, rezultoi me doping dhe kjo bëri që medalja t’i kalonte Qerimajt.
VAZHDO TË LEXOSH MË TEPËR PËR TEMËN
Dënim ekzemplar, merr fund Romela Begaj
Mori 3 medalje ari, Calja: Shteti, asnjë premio!
