Turizmi i vitit 2019 ishte tema kryesore që bëri bashkë Ministrin e Brendshëm Sandër Lleshaj dhe Ministrin e Mjedisit Blendi Klosi, të cilët diskutuan planin e masave për sezonin turistik.
Lleshaj u shpreh se asnjë prej plazheve nuk do të lejohet të kryejë aktivitetin nëse nuk ka plotësuar kriteret ligjore.
Asnjë segment plazhi nuk do të jetë në funksionim pa plotësuar kriteret ligjore.
Kjo ishte deklarata që bëri Ministri i Brendshëm Sandër Lleshaj gjatë takimit me Ministrin e Mjedisit Blendi Klosi dhe prefektët për planin e masave për turizmin.
Ministri, Blendi Klosi, tha se sezoni turistik në vendin tonë do të nisë që nga muaji prill e deri më 31 tetor.
Takimi më tej me 12 prefektët nuk u lejua të bëhej në praninë e mediave, duke mos bërë transparencë në lidhje me diskutimet e prefektëve me Ministrat Klosi dhe Lleshaj.
