Detaje të reja kanë dalë nga ngjarja e rëndë në Kavajë, ku një 14-vjeçare u përdhunua nga 8 adoleshentë.
Gjatë kësaj të shtune e mitura është paraqitur në gjykatën e Durrësit, për të dëshmuar tmerret që ka përjetuar.
Me kërkesën e Prokurorisë, gjykata vendosi sigurimin e padisë, pra pyetjen e të dëmtuarës
Dëshmia e saj do të përdoret si provë në procesin ndaj 8 të akuzuarve.
Seanca për pyetjen e 14-vjecares zgjati rreth 3 orë e gjysmë dhe në disa raste gjykata është detyruar ta ndërpresë atë, pas shqetësimeve të shfaqura nga ana e të abuzuarës.
Në dëshminë e saj e mitura i ka qendruar deklaratave të saj të dëshmuara edhe në polici.
Seanca e marrjes në pyetje është ndjekur përmes monitorit edhe nga avokatët mbrojtës të djemve, të cilët ndodhen tashmë pas hekurave.
Vajza bashkë me prindërit trokiti në dyert e policisë, më 29 janar, pasi ishte abuzuar nga një grup djemsh që e shantazhonin me një video intime.
