Festa e Njëmbëdhjetëvjetorit të Pavarësisë së Kosovës po pritet nën ethet e ndarjes.
Këtë frikë e kanë shumica e partive parlamentare dhe njohësit e çështjeve politike në vend, duke iu referuar deklaratave të presidentit Hashim Thaçi për “korrigjim të lehtë” të kufirit me Serbinë
Harta e Kosovës do të mundë të pësojë ndryshime në përvjetorin e 12-të të Pavarësisë së vendit po që se këtë vit do të realizohet ideja e presidentit Hashim Thaçi për çështjen e kufijve.
Hashim Thaçi, nga pozicioni i kryeministrit të vendit, më 17 shkurt të vitit 2008 e kishte prezantuar për herë të parë flamurin verdhekaltër me hartën e shtetit më të ri në Evropë në mes. Por, kjo hartë mund të ndryshojë nëse realizohet ideja e fundit e protagonistit të njëjtë, Hashim Thaçi, për “korrigjim të lehtë” të kufirit me Serbinë, duke e rrezikuar kështu pjesën veriore të banuar me shumicë serbe dhe me pretendimin e fitimit të pjesshëm të territorit në jug të Serbisë, përkatësisht komunës së Preshevës.
Kjo ide e Thaçit po cilësohet si marrëveshje e dhimbshme, që mund t’i kushtojë Kosovës, ndaj së cilës janë rreshtuar kundër pozitë e opozitë. Edhe analistët politikë vlerësojnë se ky ndryshim i kufijve mund të sjellë një tjetër konflikt në Ballkan.
Strukturat paralele të Serbisë vazhdojnë të jenë funksionale edhe në Përvjetorin e 11-të të Pavarësisë së Kosovës. Dialogu i Brukselit nuk i ka shuar këto struktura joligjore
Ndonëse janë bërë 11 vjet nga shpallja e Kosovës si shtet i pavarur dhe sovran, strukturat paralele serbe në veri ende po vazhdojnë të jenë funksionale.
Megjithëkëtë, sipas saj, procesi i negociatave ka kontribuar dukshëm në shuarjen e strukturave që kanë të bëjnë me fushën e drejtësisë. Edhe zyrtarë të Misionit të OSBE-së në Kosovë kanë deklaruar se negociatat Kosovë – Serbi kanë ndihmuar në integrimin e strukturave paralele serbe në institucionet e Kosovës.
Por, përfaqësues të opozitës vlerësojnë se procesi i dialogut nuk ka ndihmuar aspak në eliminimin e institucioneve paralele serbe. Shuarja e strukturave sipas ish-ministres për Dialog, Edita Tahiri, është parë të ndodhë me themelimin e Asociacionit të Komunave me Shumicë Serbe.
Megjithëkëtë, institucionet paralele serbe në veri ende po vazhdojnë të funksionojnë pa ndonjë pengesë.
