Ka fituar shumë ndeshje, në aspektin individual është e vlerësuar, madje së fundmi ka marrë edhe trofeun e parë në Itali, por dita e djeshme do të mbahet mend.
Volejbollistja shqiptare e talentuar, Erblira Bici, vetëm 2 javë më parë, fitoi Kupën e italisë me skuadrën e saj Igor Volley Novara, duke arritur kështu një trofe të madh në karrierën e saj.
Por dje ajo ka marrë ndoshta dhuratën më të bukur në jetë. Teksa ishte në parket për ndeshjen e fundjavës, ndaj Bisontes, ekipi i Era Bicit fitoi pastër me sete, 3-0, ajo u shtang kur pa partnerin e saj, basketbollistin Diti Mara, i cili në fushë i propozoi për martesë, i ulur në gjunjë, me unazën dhe me një tufë lule në dorë.
Era Bici dukej mëse e lumtur dhe me puthjen e dhënë partnerit të saj, përgjigja ka qenë e qartë, “Po”!
