Janë të shumtë, shqiptarët e suksesshsëm në mbarë botën, për sa i përket arritjeve në shkencë, apo art dhe letërsi.
Ersida Buraniqi, një vajzë nga Shkodra, diplomuar për mjekësi në Harvard, renditet në radhët e studiuesve shkencorë në klinikën “Mayo”, në Boston, SHBA. Buranaqi, rezulton të jetë një ndër gratë më të suksesshme në SHBA .
“Më kujtohet fëmijëria në Shqipëri dhe kurioziteti i madh për të panjohurat. Kam përshtypjen, se shkenca është një lloj thirrjeje brenda vetes, për më shumë hulumtime dhe kërkime mbi kujdesin shëndetësor- shpjegon shkencëtarja shqiptare, Buranaqi.
Puna ime shkencore është e fokusuar në monitorimin e elektroencefalogramit (EEG) pranë Njësisë së Kujdesit Intensiv dhe sistemet e përparuara të ndjekjes dhe paralajmërimit të sëmundjes së epilepsisë te fëmijët.
Ne kemi si qëllim mbrojtjen e pacientëve të sëmurë nga epilepsia, duke vlerësuar rrezikun e vdekjes së papritur, duke zhvilluar sisteme të reja për zbulimin e faktorëve të riskut.
Kësisioj, përpiqem të jem sa më pranë zhvillimeve të reja akademike dhe atyre kërkimore-shkencore, për mirërritjen dhe shëndetin e fëmijëve në mbarë botën, si një detyrë e rëndësisshme humane, mbi të gjitha.”
