16.08.2018 - 14:52
Mesa duket vjeshta po jep shenjat e para. Reshjet e rëna pasditën e djeshme, që do të vijojnë sot, por edhe nesër tregojnë se vera po ikën.
Sipas Institutit të Gjeoshkencave sot dhe nesër priten shira në të gjitha qarqet e vendit.
“Reshjet pritet të jenë mesatare, deri lokalisht intensive në qarqet Kukës dhe Dibër, dhe të dobëta deri në mesatare në qarqet e tjera“, thuhet në njoftimin e IGJEUM.
Në zona shumë të vogla të çdo qarku mund të ketë reshje në formë shtrëngate me kohëzgjatje të shkurtër, më të mundshme në terrenet malore (dhe ato pranë tyre) gjatë pasditeve.
Reshjet e shiut kanë sjellë edhe ulje të temperaturave me disa gradë.
