MENU

Detajet

400 000 euro dëm, digjet magazina në Fier

02.09.2018 - 18:30

Pasditen e të dielës një magazinë kafeje në qytetin e Fierit është përfshirë nga flakët.

Sipas informacineve të policisë magazina ndodhet në lagjen “16 Prilli”.

Zjarri mësohet se ka rënë në magazinën e pjekjes dhe ambalazhimit të kafes dhe flakët kanë shkrumbuar të gjithë stokun e kafes që ndodhej në magazinë.

Dëmi i shkaktuar llogaritet rreth 400 mijë euro, ndërsa mendohet se janë djegur rreth 70 ton kafe.

Dyshohet se shkak i rënies së zjarrit të ketë qenë një shkëndije elektrike.

Njoftimi i policisë

Në datën 02.09.2018, rreth orës 15:30, në lagjen “16 Prilli”, në magazinën me kafe në pronësi të shtetasit H.O ka rënë zjarr.

Në vendngjarje u dërguan shërbimet e policisë dhe shërbimi zjarrëfikës të cilat bënë të mundur fikjen e zjarrit.

Nga hetimet paraprake dyshohet se zjarri ka rënë për shkak të një shkëndije elektrike në magazinë.

Grupi hetimor po punon për sqarimin e plotë të rrethanave të kësaj ngjarje.