Në lidhje me vendimin e autoriteteve të Kosovës për të mos i lejuar presidentit të Serbisë, Aleksandar Vuçiç, që të vizitojë fshatin Banjë të komunës së Skenderajt, ka reaguar edhe BE.
Maja Kocijançiç, zëdhënëse e BE-së tha se Bashkimi Evropian shpreh keqardhje për vendimin e autoriteteve të Kosovës.
“Kërkojmë nga të gjithë përgjegjësit për rendin që të garantojnë sigurinë dhe kalimet (qarkullimin) e lirë gjatë ditës. Angazhimi i plotë për ruajtjen e paqes dhe sigurisë së njerëzve në Kosovë dhe popullit serb, mençuria dhe qetësia, janë ato që nevojitet tash”, ka thënë Kocijançiq.
Sipas saj, vizita e Vuçiqit ka kaluar qetë me angazhimin e të gjithë aktorëve përgjegjës, deri në momentin e bllokimit të rrugës për vizitën në Banjë të Skenderajt.
Kujtojmë se Vuçiç pritej të vizitonte fshatin Banjë gjatë vizitës dy ditore në Kosovë, por pas anulimit të lejes nga kryeministri i Kosovës për shkak të protestave, ai ka vizituar veriun e Mitrovicës.
VAZHDO TË LEXOSH MË TEPËR PËR TEMËN
I anulohet leja/ Vuçiç kokëfortë: Do kaloj nga rruga dytësore
