Portali italian ‘Infodata e Il Sole 24’, ka publikuar disa të dhëna mbi numrin e veprave penale të kryera në vend.
Përpunimi i këtyre të dhënave ka ardhur si pasojë e debatit mbi emigrantët dhe “pushtimit” që i kanë bërë Italisë.
Sipas këtij raporti, emigrantët shqiptarë nuk mbeten shumë pas ku shifrat tregojnë se numri i veprave penale të kryer nga shtetasit shqiptarë në 2016-n, në vendin fqinj, ishte 7575.
Në raport me numrin e shqiptarëve që kanë emigruar në Itali, Il Sole përllogarit se në çdo 100 emigrantë, rreth 1.23 ka kryer një vepër penale.
Numrin më të lartë të denoncimeve, e zë Tunizia me 2233 denoncime, e ndjekur nga Moldavia me 1400 e më tej nga Bosnja me rreth 1300 denoncime.
Por, sipas sqarimit të mëtejshëm të ‘Il Sole’, ky raport nuk i bën kriminelë të gjithë emigrantët me të njëjtën kombësi.
Më tej dhe nga ana juridike sqarohet, se në raport janë përfshirë krimet të cilat kanë marrë dënimin e formës së prerë.
Grupi i të dhënave të Institutit Kombëtar të Statistikave, në fakt, i klasifikon të paraburgosurit në bazë të vitit në të cilin emri i tyre është futur në dosjen penale.
Me shkurtime nga Monitor.
