Në selinë e OKB-së në New York po mbahet prej disa ditësh Asambleja e Përgjithshme e OKB dhe Samiti i Paqes.
Presidenti i Kosovës, Hashim Thaçi, gjatë punimeve të sesionit vjetor në Asamblenë e Përgjithshme të OKB-së, ka takuar shumë krerë shtetesh.
Ditën e sotme presidenti Thaçi së bashku me zëvendëskryeministrin e parë dhe Ministrin e Jashtëm Behgjet Pacolli, është takuar me Presidentin e Turqisë, Recep Tayyip Erdogan.
Sipas komunikatës të lëshuar në faqen zyrtare të Presidencës së Kosovës, mësohet se gjatë takimit presidenti turk Erdogan ka shprehur përkrahjen e tij për vazhdimin e dialogut me Serbinë dhe arritjen e një marrëveshjeje ndërmjet të dyja vendeve.
Në takim Thaçi nuk e ka përmendur idenë e tij personale për korrigjim të kufijve dhe përpos të tjerave është diskutuar edhe për mbështetjen që Turqia do t’i japë Kosovës për integrimin në INTERPOL dhe organizatat e tjera ndërkombëtare bën të ditur komunikata zyrtare e Presidencës së Kosovës.
Ndërkohë presidenti turk, Recep Tayyip Erdogan është shpreshur se ai do të angazhohet personalisht në shtimin e numrit të njohjeve për Kosovën dhe në procesin e anëtarësimit në organizata ndërkombëtare.
