Kryeministri i Kosovës, Ramush Haradinaj pas mbledhjes së sotme të Qeverisë së Kosovës, në një konferencë për media u shpreh se loja me kufinjtë e Kosovës është e rrezikshme.
Haradinaj tha se është kundër këtyre eksperimenteve dhe bën thirrje për kujdes në këtë çështje.
Kryeministri i Kosovës është shprehur optimist edhe përsa i përket dialogut me Serbinë si dhe garantoi mbështetjen e tij ndaj kryenegociatorit të bisedimeve, Fatmir Limajt.
Ai më tej foli përsëri për çështjen e korrigjimit të kufinjve. Sipas tij është rasti i parë që Qeveria e Kosovës ka treguar mbështetje kaq të madhe për Luginën.
“Unë nuk do të preferoja të avancoja më shumë në këto rrethana. Është eksperiment i rrezikshëm puna e kufijve. Sa herë janë hap temat e kufijve, nuk është ditur kurrë kur do të mbyllen. Kosova nuk e ka luksin për të folur për këtë, kjo temë nuk dihet kur përfundon dhe kush përfiton nga kjo“, tha Haradinaj.
Gjithashtu Haradinaj i ka kërkuar shqiptarëve të Maqedonisë që ta votojnë referendumin për emrin e Maqedonisë në 30 shtator.
VAZHDO TË LEXOSH MË TEPËR PËR TEMËN
Ndryshim kufijsh? DASH si Gjermania: Jo
