Gentian Trenova, një tjetër prokuror që nuk kaloi sitën e vettingut, u shkarkua nga detyra nga Komisioni i Pavarur i Kualifikimit (KPK), në Qershorin e këtij viti.
Ish-prokurori Trenova, ka apeluar këtë vendim në Kolegjin e Posaçëm të Apelimit(KPA), ku ditën e sotme është hedhur edhe shorti për apelimin e këtij proçesi.
Trupi gjykues sipas njoftimit të KPA, do të kryesohet nga ish-kryeprokurorja Ina Rama.
Njoftimi i plotë i KPA-së:
Në Kolegjin e Posaçëm të Apelimit është regjistruar çështja (JR) Nr. 12/2018, datë 04.09.2018 që i përket ankimit të subjektit të rivlerësimit z.Gentian Trenova kundër vendimit nr. 25 datë 20.06.2018 të Komisionit të Pavarur të Kualifikimit që lidhet me procesin e rivlerësimit kalimtar të subjektit të rivlerësimit z. Gentian Trenova.
Sot, në datën 07.09.2018, në Kolegjin e Posaçëm të Apelimit, u hodh shorti për caktimin e trupit gjykues, kryesuesin e këtij trupi dhe relatorin e çështjes.
Trupi gjykues i caktuar me short është i përbërë si më poshtë vijon:
Kryesues: Ina Rama
Relator: Natasha Mulaj
Anëtarë: Albana Shtylla, Ardian Hajdari, Luan Daci.
Gentian Trenova, u kthye në të akuzuar dhe si i dyshuar si nga KPK, por edhe ONM, për shkak të pasurisë dhe aftësive profesionale të tyre.
VAZHDO TË LEXOSH MË TEPËR PËR TEMËN
