Protestat e ish-naftëtarëve të Fierit në Patos janë rikthyer sërish, teksa sot para prefekturës janë mbledhur rreth 100 ish-naftëtarë, për statusin e tyre.
Qeveria shqiptare, shprehen ata, i ka lënë në harresë, dhe pikërisht ky është dhe motivi pse realizohet përsëri kjo protestë, duke mbetur e harruar dhënia e statusit.
“Jemi në mëshirë të fatit pasi nuk jemi në punë por as nuk na marrin në punë dhe as pension nuk marrin. Jemi të zhgënjyer nga premtimet e qeverisë pasi vendimi për statusin ende nuk është zbatuar. Apel qeverisë për të shpejtuar zbatimin e statusit pasi vitet po ikin po kështu dhe mosha jonë. Kur do na i jap qeveria statusin, kur të vdesim? Shumë shokë të tanët kanë ikur nga kjo botë për shkak të moshës ndaj i lutemi qeverisë të bëjë të mundur dhënien e statusit që dhe ne të gëzojmë përfitimet e këtij ligji”, thonë të revoltuar ish-naftëtarët e zonës naftëmbajtëse Fier- Patos-Marinëz.
Kujtojmë se rreth një një vit e gjysëm më parë qeveria mori vendimin për dhënien e statusit, por mesa duket ende nuk është zbatuar.
