Kursi i këmbimit

Leku rimëkëmbet lehtë ndaj euros dhe dollarit

11.09.2018 - 13:31

Leku rifitoi lehtë pikë të martën në kursin e këmbimit me dy valutat kryesore, euron dhe dollarin amerikan. Euro u këmbye me 126.49 lekë, nga 126.51 lekë ditën e hënë. Luhatjet e kursit të euros ngelen në nivele pothuajse të papërfillshme prej disa ditësh. Edhe dollari amerikan humbi lehtë terren dhe u këmbye me 108.98 lekë, 0.34 pikë më pak krahasuar me kursin e të hënës.

Ndërkohë, paundi britanik vazhdoi forcimin e nisur që javën e kaluar dhe u këmbye me 142.04 lekë, niveli më i lartë në muajin e fundit. Monedha britanike u forcua në tregjet ndërkombëtare pas deklaratave të kryenegociatorit të BE për Brexit, Michael Barnier, që tha se një marrëveshje për Brexit mund të arrihet brenda dy muajve.