NATO e shikon transformimin e forcave të armatosura të Kosovës në ushtri si një çështje të brendshme që i takon autoriteteve të Kosovës.
“Qëndrimi i NATO-s është i qartë: kjo është një çështje e autoriteteve të Kosovës” lajmëron zyra e shtypit e NATO-s në Kosovë.
Zyra e NATO-s në Kosovë shkruan se e vlerëson profesionalitetin e Forcave të Sigurisë së Kosovës (FSK) si dhe e quan si një forcë multietnike dhe burim stabiliteti në rajon.
Në reagimin e saj zyra e NATO-s shton se çdo ndryshim i strukturës dhe mandatit të FSK-së duhet të bëhet në përputhje me Kushtetutën e Kosovës dhe kërkon ndryshime kushtetuese.
“NATO mbështet zhvillimin e Forcës së Sigurisë së Kosovës me mandatin aktual, por shton se “nëse Forca e Sigurisë së Kosovës duhet të zhvillohet, Këshilli i Atlantikut të Veriut do të duhet të rishqyrtojë nivelin e angazhimit të NATO-s në Kosovë“. thotë zyra e shtypit të NATO-s.
