20.09.2018 - 11:21
Georgina Rodriguezin duhet të bëjë kujdes. Me ndryshimin e ambientit nga Madridi në Torino edhe fanset e Cristiano Ronaldos kanë ndryshuar.
Së fundmi është notarja bukuroshe italiane Federica Pellegrini, e cila “tremb” Georgina Rodriguezin.
Në një prononcim të fundit ajo është shprehur: “Do të më pëlqente shumë ta njihja nga afër dhe nuk e them këtë me qëllim të keq, duke parë që ai është i fejuar.”
Takimi mes dy figurave të sportit mund të realizohet në një restorant. “Nëse më fton për darkë, sigurisht që përgjigjja do të ishte pozitive.” Federica është tifozë e madhe e Juventusit dhe tashmë që me bardhezinjtë luan edhe CR7 do të shkojë më shpesh në stadium, sepse është shumë kurioze për ta ndjekur nga afër.
