Partia Demokratike, ka bërë të ditur se të martën do të rikthehen në Kryesinë e Kuvendit.
Arsyeja pse opozita do të thyej bojkotin e nisur në këtë sesion të ri parlamentar, është bërë çështja e Vettingut në politikë.
Kjo platformë e propozuar nga opozita, sipas PD-së, është vetëm për motivin e madh për të treguar vendosmërinë e tyre për të luftuar krimin, si dhe çlirimi i qeverisë nga ai.
Sipas opozitës puna do të ndahet në 4-grupe ku kordinatorët e tyre do të jenë:
Grupi për “Dekriminalizimin e plotë përmes vettingut të politikanëve të lidhur me krimin”, koordinator- Ervin Salianji.
Grupi për “Çlirimin e drejtësisë nga kapja politike në funksion të bashkëqeverisjes së Edi Ramës me krimin”, koordinator- Enkelejd Alibeaj.
Grupi për “Zgjedhjet e lira, të ndershme e demokratike, ku qytetarët të jenë ata që vendosin”, koordinator- Luan Rama.
Grupi për “Një ekonomi e çliruar nga monopolet, nga oligarkët dhe nga korrupsioni qeveritar, në funksion të mirëqenies së qytetarëve”, koordinator- Jorida Tabaku.
Lidhur me këtë platformë të re, më herët, kreu i PD-së, Lulzim Basha, është shprehur me bindje se gëzon mbështetjen e shoqërisë, duke qenë se kjo e fundit kërkon shkëputjen e qeverisë nga krimi.
