Kryeministri i Kosovës, Ramush Haradinaj ka folur për çështjen e kufirit edhe në takimin e Komisionit Parlamentar për Marrëveshjen e Stabilizim-Asocimit BE-Kosovë. Komisioni përbëhej nga deputetë të Kuvendit të Kosovës dhe të Parlamentit Europian, të cilët janë duke qëndruar në Kosovë.
Haradinaj, i cili iu drejtua anëtarëve të këtij Komisioni në gjuhën angleze, nuk la pa përmendur edhe idenë e korrigjimit të kufijve, ide e nxitur nga presidenti i Kosovës, Hashim Thaçi.
Kryeministri kosovar u shpreh se shpreson për një traktat të paqes, por diskutimi për kufijtë sipas tij i kthen në hapa mbrapa.
“Kur flasim për kufij i bie që t’i kthehemi të shkuarës, tragjedisë, por ajo çka shpresojmë është të kemi një traktat paqeje mes Kosovës dhe Serbisë. E mbështes dialogun me Serbinë, por jo duke iu kthyer të shkuarës. Në të shkuarën, vonesat na kanë kushtuar me jetë njerëzish”, tha Haradinaj para të pranishmëve.
Kreu i Qeverisë së Kosovës, i falenderoi gjithashtu deputetët e pranishëm të Parlamentit Europian për votën e dhënë pro liberalizimit të vizave për Kosovën.
VAZHDO TË LEXOSH MË TEPËR PËR TEMËN
Korrigjimi i kufijve destabilizon rajonin?
