Edhe pse ka 9 muaj që Hoxhara e Fierit u përmbyt, ende ka shenja të asaj ndodhie që nuk janë fshirë.
Gjatë përmbytjeve të dimrit që shkoi janë dëmtuar rreth 5 mijë hektarë tokë bujqësore dhe qindra hektarë sera.
Fryrja e lumit Vjosa solli edhe përmbytjet e shtëpive të banorëve të zonës.
Lidhur me dëmshpërblimin e tyre banorët e prekur thonë se nuk kanë marrë ende atë, dhe për më tepër, tokat e përmbytura këtë vit nuk u kanë ofruar prodhimin e dikurshëm.
Rezulton se praktika e plotësimit te dosjeve te familjeve te dëmtuara ka përfunduar dhe informacioni i plotë është përcjellë në Tiranë.
Drejtoria e Përgjithshme e Emergjencave Civile ka kryer gjithë verifikimet e nevojshme lidhur me dëmshpërblimet.
Por, që ato të kalojnë në duart e 381 familjeve të dëmtuara, së pari duhet alokimi i fondit nga qeveria.
Po ashtu rezulton se në total dëmshpërblimi kap vlerën e 69 milionë lekëve.
Por përmbytjet duket se kanë ndikuar negativisht edhe tek eksportet.
Sipas statistikave të Drejtorisë Rajonale të Bujqësisë në Fier gjatë 8 muajve të këtij viti janë eksportuar 78 mijë tonë fruta -perime në tregun e huaj.
Shifrat kjo 105 më e ulët krahasuar me të njëjtën periudhë të një viti më parë.
VAZHDO TË LEXOSH MË TEPËR PËR TEMËN
