Padia e ish-deputetit Mark Frroku, lidhur me ndalimin e tij konsideruar si të paligjshëm, është rrëzuar nga Gjykata e Strazburgut.
Sipas Frrokut, ndalimi i tij kishte shkelur nenin 5 të Konventës për Mbrojtjen e të Drejtave dhe Lirive Themelore të Njeriut.
Ky vendim u bë i njohur për publikun ditën e sotme, ku jo vetëm është rrëzuar por edhe thuhet se ka patur shkelje të të drejtave të njeriut.
“Rasti e ka origjinën në një kërkesë (nr.47403/ 15) kundër Republikës së Shqipërisë të paraqitur në Gjykatë në bazë të nenit 34 të Konventës për Mbrojtjen e të Drejtave dhe Lirive Themelore të Njeriut (“Konventa”) nga një shtetas shqiptar, Mark Frroku (“aplikanti”), më 22 shtator 2015.
Aplikanti u përfaqësua nga z. T. Prendi, një avokat që praktikon në Tiranë. Qeveria Shqiptare (“Qeveria”) u përfaqësua nga Agjenti i tyre, znj. A. Hicka nga Zyra e Avokatit të Shtetit.
Parashtruesi i kërkesës pretendonte se ndalimi i tij në lidhje me akuzat sipas neneve 257/ a dhe 287 të Kodit Penal ishte i paligjshëm.
Më 5 shkurt 2016, ankesa në lidhje me paligjshmërinë e paraburgimit të tij në lidhje me akuzat sipas neneve 257/ a dhe 287 të Kodit Penal iu komunikua Qeverisë dhe pjesa tjetër e kërkesës u shpall e papranueshme sipas Rregullës 54 § 3, Rregullorja e Gjykatës”, thuhet në vendimin e gjykatës.
Së fundmi, aplikimi u cilësua i papranueshëm, me vendim unanim të trupit gjykues, ku bënte pjesë edhe gjyqtari Ledi Binjaku, si dhe është deklaruar se nuk ka pasur shkelje të nenit 5 § 1 të Konventës.
