Pak ditë më parë, mediat rozë shkruan se Justin Bieber dhe e dashura e tij, Hailey Baldwin, kurorëzuan në martesë lidhjen e tyre, por ndërsa kjo ende nuk është konfirmuar, ylli i muzikës i dhuroi një surprizë fantastike modeles 21-vjeçare.
Ndoshta, ish e dashura e tij Selena Gomes do të jetë bërë xheloze pas kësaj shfaqe, por me siguri Justin e bëri të ndihet tejet të lumtur partneren e tij që ka në krah Hailey Baldwin.
Ai u ul në një trotuar në Londër dhe i këndoi të dashurës së tij. Justin Bieber dhe partnerja e tij Hailey Baldwin po kalojnë disa ditë në Londër. Teksa dyshja e njohur po bënin një xhiro rrugëve të qytetit këngëtari 24-vjeçar nxori kitarën e tij dhe filloi t’i këndonte modeles 21-vjeçare.
Mediat e huaja shkruajnë se ishin jashtë Buckingham Palace. Justin performoi live buzë rrugës, me kitare, një nga këngët e tij më të pëlqyera nga publiku me titull “Cold Water” dhe sigurisht mblodhi një turmë njerëz për një mini koncert falas.
