Kryeministri grek Aleksis Tsipras, ka uruar që referendumi në Maqedoni të jetë i suksesshëm si dhe shprehu bindjen se parlamenti grek do ta miratojë me shumicë votash marrëveshjen për emrin e ri të Maqedonisë me Shkupin zyrtar.
“Kemi marrëveshje të rëndësishme, e cila, nëse ratifikohet në referendumin e ardhshëm në vendin fqinjë, do të japë nxitje të rëndësishme që Selaniku në Greqinë veriore të bëhet forcë lëvizëse e zhvillimit dhe se do t’ia hapë rrugën Greqisë që të bëhet fuqi kryesore në rajonin e Ballkanit”, ka deklaruar Tsipras në një konferencë për mediat.
Tsipras ka deklaruar se qeveria e tij do ta përfundojë mandatin e saj të plotë, edhe pse ka mosmarrëveshje me partnerin në koalicionin qeverisës për shkak të emrit të ri të Maqedonisë, në marrëveshjen e kontestuar e bërë me qeverinë maqedonase të Zoran Zaevit.
Aleksis Tsipras shprehu bindjen se partneri i tij në koalicionin qeverisës, Panos Kamenos, lideri i partisë Grekët e Pavarur, nuk do ta kërcënojë stabilitetin politik të vendit.
VAZHDO TË LEXOSH MË TEPËR PËR TEMËN
Maqedonasit ndihen të detyruar për emrin e ri
