“Kam vrarë një njeri, kam ardhur të dorëzohem”.
Kështu ka thënë Fadil Kasemi, sipas dëshmisë së dy policëve Nazmi Kosta dhe Dashnor Murataj, të cilët ishin personat e parë që ranë në kontakt me 54-vjeçarin, pak pasi ky i fundit vrau me armë zjarri ish-bashkëshorten e tij gjyqtare Fildes Hafizin.
“Pasi i morëm armën, Kasemi tha që kishte vrarë Fildes Hafizin tek Xhamlliku”, thanë policët dëshmitarë.
Teksa dëshmuan sot në procesin ndaj Kasemit tek Krimet e Rënda, efektivët treguan detaje nga dita kur ndodhi ngjarja, ndërsa rrëfyen se kishin parë një person të armatosur në oborrin e komisariatit nr.1, ku në një njërën dorë mbante pistoletë dhe në tjetrën krehrin.
Fildez Hafizi u ekzekutua nga ish-bashkëshorti i saj, Fadil Kasemi, më 31 gusht të vitit të kaluar, pranë shtëpisë ku banonte në Tiranë, në zonën e Xhamllikut.
Ngjarja erdhi pas shumë vitesh konfliktesh, për të cilat çifti dhe ishte divorcuar.
VAZHDO TË LEXOSH MË TEPËR PËR TEMËN
