Kryedemokrati Lulzim Basha, përmes rrjetit të tij social, është shprehur i shqetësuar për gjendjen e vështirë që po kalojnë bizneset. Në një video-montazh, Basha tregon se është dyfishuar numri i bizneseve të mbyllura.
Sipas asaj që shkruan kryeopozitari, gjithçka ndodh për shkak se vëmendja e Edi Ramës është te krimi dhe oligarkët.
“Me Edi Ramën në qeveri, krimi dhe oligarkët pasurohen, biznesi i zakonshëm po falimenton”, thuhet në videomesazh.
Sipas shifrave të pasqyruara në video, vetëm në shtator janë mbyllur 1.978 biznese, nga 838 që u mbyllën një vit më parë.
“Me Edi Ramën në qeveri, çdo vit është më keq për shumicën e bizneseve”, thuhet më tej në videon që ilustron me grafikë edhe periudhat 9-mujore 2017-2018.
Krahasimi me vitin e kaluar tregon, sipas kreut të PD-së, se falimentimi i bizneseve është gati dyfishuar.
Nga 6.969 biznese të mbyllura në periudhën gusht-shtator 2017, për 9 muaj të këtij viti rezultojnë të mbyllura 11.292 biznese. Kreu i opozitës jep mesazhin se, sa më gjatë të qeverisë Edi Rama, aq më shumë biznese do të mbyllen.
VAZHDO TË LEXOSH MË TEPËR PËR TEMËN
Gjirokastër, falimentojnë bizneset
Ahmetaj: Asnjë kosto shtesë për biznesin
