MENU
klinika

Deklarata

Brexit/ May nuk ‘qetëson’ dot evropianët

17.10.2018 - 13:24

Pas takimit 2-orësh e gjysmë të kabinetit të saj, i cili nxori në pah dallimet e thella mes anëtarëve të ekzekutivit, Theresa May pritet t’i kërkojë liderëve të Bashkimit Europian ta mbajnë të hapur derën e negociatave të Brexit-it .

Nëse do të jemi të bashkuar si qeveri, mund t’ia dalim”, i tha May ministrave, por duket se e ka të pamundur t’i bindë të gjithë.

Një pjesë e tyre nënvizojnë rëndësinë e kufirit irlandez dhe duan garanci që ai nuk do ta ndajë Irlandën e Veriut nga pjesa tjetër e Mbretërisë së Bashkuar dhe kjo është një nga pikat ku Londra dhe Brukseli kanë mosmarrëveshjet më të mëdha.

kolana e librave

Kurifi irlandez vazhdon të mbetet një nga çështjet kyçe për t’u zgjidhur, tha një zyrtar i lartë i presidencës franceze për Reuters.

“Ne besojmë se ideja e marrëveshjes mund të arrihet, ndonëse jo që sot”, shtoi ai, duke nënvizuar se shtyrja e negociatave për Artikullin 50 përtej 29 marsit të vitit 2019, edhe pse ligjërisht e mundshme, nuk është e “mirëpritur”.

Më pak se 6 muaj përpara se Anglia të largohet nga BE-ja, bisedimet e Brexit-it kanë mbetur në vendnumëro, duke ngjallur shqetësim për ecurinë e procesit.

VAZHDO TË LEXOSH MË TEPËR PËR TEMËN