Sekretari i jashtëm i Britanisë së Madhe, Jeremy Hunti i ka thënë Arabisë Saudite se Britania pret përgjigje urgjente mbi zhdukjen e gazetarit saudit Jamal Khashoggi.
Në një thirrje telefonike për Ministren e Jashtme të Arabisë Saudite, Adel al-Jubeir, Jeremy Hunt paralajmëroi se “miqësitë varen nga vlerat e përbashkëta”.
Khashoggi ishte parë për herë të fundit duke vizituar konsullatën saudite në Stamboll javën e shkuar dhe Turqia thotë se mund të jetë vrarë atje. Ndërkohë Arabia Saudite e mohon sugjerimin.
Një zëdhënës i Zyrës së Jashtme të Britanisë së Madhe sipas raportimeve të medias tha se Britania e Madhe do ta trajtojë incidentin “shumë seriozisht”.
Më parë, të martën, Presidenti i SHBA, Donald Trump tha se ende nuk kishte folur me zyrtarët sauditë rreth zhdukjes së gazetarëve.
Zonja Hatje Cengiz, e fejuarja e zotit Khashoggi, bëri thirrje në SHBA për ndihmë. Në një artikull emocionues në Washington Post, ajo shkruante: “I lutem Presidentit Trump dhe zonjës së parë Melania Trump për të ndihmuar të hedhin dritë mbi zhdukjen e Jamalit”. “Ne ishim duke bërë planet e dasmës, planet e jetës, kur ai u zhduk” tha ajo.
Turqia thotë se do të kryejë një kërkim në konsullatën e Arabisë Saudite në Stamboll. Ministria e jashtme e Arabisë Saudite tha se vendi ishte i hapur për bashkëpunim.
Ai thotë se gazetari u largua nga konsullata pak pasi mbërriti, ndërsa Turqia thotë se nuk ishte pare duke e lënë ndërtesën.
Ankaraja po kërkon që Arabia Saudite të provojë se ai u largua, duke mos ofruar dëshmi për të mbështetur pretendimin se ai ishte vrarë brenda.
Kush është Jamal Khashoggi?
Një kritik i princit Mohammed bin Salman, z. Khashoggi jetonte në mërgim në SHBA dhe shkroi një opinion për Washington Post para zhdukjes së tij.
Më parë kishte qenë ish-redaktor i gazetës al-Watan dhe një kanali televiziv televiziv saudit. Për vite të tëra kishte qenë pranë familjes mbretërore saudite, duke qenë se kishte shërbyer si këshilltar i zyrtarëve të lartë sauditë.
Cili ka qenë reagimi ndaj zhdukjes?
Sekretari amerikan i Shtetit, Mike Pompeo, i bëri thirrje Arabisë Saudite që të mbështesë një hetim për zhdukjen e tij dhe të jetë transparent për rezultatet.
Ekspertët e OKB-së kanë kërkuar një “hetim të shpejtë të pavarur dhe ndërkombëtar” për zhdukjen e tij.
Kur u pa për herë të fundit?
Khashoggi shkoi në konsullatë të martën e kaluar për të marrë një dokument që vërtetonte se ishte divorcuar nga ish-gruaja e tij, në mënyrë që të mund të martohej me Hatice Cengiz, dhe aty thuhet se u vra.
Çfarë kanë thënë të dy vendet?
“Ne besojmë se vrasja ishte paramenduar dhe trupi u largua më pas nga konsullata,” i tha Reuters një burim i paidentifikuar.
Një burim i cituar nga Washington Post tha se gazetari u vra nga një ekip saudit prej 15 vetësh dërguar në mënyrë specifike për vrasjen.
Kreu i Shoqatës së Medias Turke-Turan, Turan Kislakci, tha për New York Times se oficerët e policisë turke që mbronin konsullatën kishin kontrolluar kamerat e tyre të sigurisë, gjë që nuk tregoi se gazetari po shkonte në këmbë.
Turqia thotë se po kontrollon kamerat e rrugëve për një furgon të zi që besohet të ketë larguar trupin e pajetë të zotit Khashoggi nga konsullata, ndërsa Washington Post publikoi pamje të gazetarit që hyri në ndërtesë të hënën.
Një zgjidhje e papranueshme?
James Robbins, korrespondenti diplomatik i BBC-së, në një analyze tregon se Britania e Madhe i ka thënë sauditve se duhet ta vërtetojnë se z. Khashoggi është gjallë dhe mënyra më e mirë për ta bërë këtë do të ishte që ai të shfaqej në televizion.
Nëse kjo nuk ndodh shpejt, është e qartë se Britania dhe aleatët e saj ka të ngjarë të arrijnë në përfundimin se Arabia Saudite e ka “tejkaluar masën”.
Vëllai i princit Mohammed dhe ambasadori saudi, Princi Khaled bin Salman al-Saud, ka insistuar se të gjitha lajmet për zhdukjen ose vdekjen e tij janë krejtësisht të rreme dhe të pabazuara.
VAZHDO TË LEXOSH MË TEPËR PËR TEMËN
Trump “një dritë” jeshile për diktatorët
Çfarë planesh po ‘thurin’ Kina, Pakistani dhe Arabia Saudite?
Iraku mes Iranit dhe Arabisë Saudite
