Duket sikur të gjithë e kishin bërë me fjalë për të lëshuar akuza ndaj yllit portugez, Cristiano Ronaldo.
Evazioni fiskal në Spanjë fillimisht, më pas akuzat për përdhunim, lidhja e babait të të dashurës së tij me bandat e drogës dhe tashmë del në skenë edhe modelja Irina Shayk.
Rusja pati një lidhje të gjatë me futbollistin portugez të Juventusit, por marrëdhënia e tyre u mbyll pa asnjë arsye të bërë publike.
Së fundmi, Irina Shayk ka vendosur të flasë e të zbulojë të vërtetën e ndarjes nga portugezi. Ajo është shprehur se është ndjerë e tradhtuar nga futbollisti dhe se ai nuk ishte mashkulli ideal për të.
“U ndjeva budallaqe, kisha besim tek ai dhe i qëndrova pranë kur dolën thashethemet se kishte pasur lidhje me disa vajza të tjera. Kur e mësova të vërtetën ishte shumë e rëndë. Ronaldo nuk ishte mashkulli ideal për mua, mashkulli im ideal është i ndershëm, “gentleman” që di si të sillet me gratë. Nuk besoj tek burrat që na bëjnë të vuajmë sepse vetë ata nuk janë pjekur akoma”, tha modelja.
Pas ndarjes nga Ronaldo, Irina u lidh me aktorin hollivudian Bradley Cooper, me të cilin tashmë ka edhe një fëmijë.
VAZHDO TË LEXOSH MË TEPËR PËR TEMËN
Cristiano Ronaldo akuzohet për përdhunim
Akuza për përdhunim, CR7 merr avokatin e yjeve
