Formula e kompozimit të Komisionit Qendror të Zgjedhjeve e miratuar me konsensus në vitin 2012 mendohet të ketë dështuar.
Përfundimi i mandatit të 4 anëtarëve, ka nxjerrë në pah krizën e KQZ-së vetëm 8 muaj para zgjedhjeve vendore.
Nëqoftëse respektohet kodi zgjedhor fjalë për fjalë, PD në këtë institucion rrezikon të mbetet vetëm më një anëtarë plus kryetarin Klement Zguri, ndërsa PS merr shumicën e anëtarëve.
Por ka dhe një skenar.
Sipas ligjit, i cili vitet e fundit është shmangur, në të gjitha zgjedhjet që parlamenti ka bërë vitet e fundit, për këtë institucion ka respektuar parimin e balances së forcave politike në Komsionin Qendror të Zgjedhjeve.
Në këtë rast nëse respaktohet ky parim, Lëvizja Socialisite për Integrim, goditet në këtë institucion duke mbetur pa asnjë përfaqësues.
Për shkak të marrëveshjes Rama-Basha, vendin e partisë së vogël opozitare në KQZ-së e ka zënë Denar Biba, i cili më herët ka qënë propozim i socialistëve.
Një problem tjetër i krijuar është kryetari, ligji parashikon qe ai i përket mazhorancës por sot KQZ drejtohet nga Klement Zguri i opozitës.
Vështirësia në të cilin ndodhet ky komision dhe delikatesa për ta trajtuar, vërehet edhe tek hezitimi i palëve politike për të bërë lëvizjet edhe pse KQZ ka njoftuar Kuvendin në 11 shtator për përfundimin e mandatit të 4 anëtarëve.
Brenda mazhorancës ka zëra që kjo situatë duhet zgjidhur me konsensus, ndërkohë në kampin opozitar Basha, e ka më të vështirë edhe për shkak të presionit që ka nga LSI.
Akoma i paqartë mbetet qëndrimi i PD, nëqoftëse do të kërkojë konsensus për të gjetur zgjidhje në frymë të kodit zgjedhor apo do e përdorë këtë moment për rritjet e tensionit politik.
KQZ është institucion që rregullohet në kod zgjedhor, por krisja e parë e tij ka ardhur në vitin 2013 kur Sali Berisha në atë kohë kryeministër, shkarkoi Ilirian Muhon e LSI-së dhe si rrjedhojë 2 anëtarët e PS dhe një i PBDNJ-së dhanë dorëheqje.
Situata në këtë komision u komplikua akoma më shumë në vitin 2016 pas marrëveshjes Rama-Basha.
