Leku e ka nisur në pozita të forta javën në kursin e këmbimit valutor. Pas forcimit të ndjeshëm të javës së kaluar, këtë të hënë leku u paraqit i stabilizuar në kursin e këmbimit me euron. Monedha europiane ishte pothuajse në vlerat e të premtes, me një rënie të papërfillshme në masën e 0.01 lekëve. Kursi euro lek-ngelet në nivelet më të ulëta në pothuajse 10 vitet e fundit. Oferta e lartë e euros në treg dhe pritshmëritë e publikut për një zhvlerësim të mëtejshëm e kanë zhvlerësuar monedhën e përbashkët europiane.
Pas forcimit të javës së klauar, edhe dollari amerikan e nisi javën në rënie kundrejt lekut. Monedha e gjelbër u këmbye me 109.25 lekë, në rënie me 0.33 pikë nga kursi i ditës së premte. Ndërkohë, vazhdon të humbasë terren edhe paundi britanik, që u këmbye të hënën me 140.22 lekë, 0.06 pikë më pak krahasuar me të premten.
VAZHDO TË LEXOSH MË TEPËR PËR TEMËN
Euro bie në pikën më të ulët prej katër muajsh
