Ka përfunduar ndeshja e shumëpërfolur e arteve marciale në UFC, ku Khabib Nurmagomedov konfirmohet kampion bote në peshën e lehtë pas fitores me “submission” në raundin e katërt ndaj Conor McGregor në eventin UFC-229 që u zhvillua në Las Vegas.
Një duel i jashtëzakonshëm mes dy prej kampionëve dhe ikonave të këtrij sporti, në një përballje në përgjithësi të dominuar nga rusi, që mbron titullin kampion të fituar në prill të këtij viti.
Por ky duel vijoi edhe pas ndërhyrjes së gjyqtarit, që ndali sfidën në kafaz pas kapjes që rusi i bëri rivalit irlandez. Madje emocionet më të mëdha kjo sfidë i pati në sherrin e madh që u transferua jashtë kafazit nga Nurmagomedov, që pati një konflikt fizik me persona të tjerë menjëherë pas fitores.
khabib vs everybody
GET SOME pic.twitter.com/zLTbjXf42X
— Calhoun (@linkcalhoun) October 7, 2018
Kjo krijoi kaos në kafaz e jashtë saj, ku u përfshinë edhe stafet e dy sportistëve e forcat e rendit, që ndërhynë për të qetësuar gjakrat, madje pati edhe goditje të dy sportistëve.
Situata e tensionuar bëri që në fund të mos kishte asnjë ceremoni zyrtare për dorëzimin e gjerdanit për Nurmagomedov, që u shoqërua nga salla i rrethuar nga forcat e sigurisë dhe ato të policisë, ashtu sikurse edhe McGregor.
Palët u përpoqën të sqarohen me presidentin e UFC-së, Dana White. Vetëm, pas disa minutash u dha vendimi për fitoren e Nurmagomedov, që korri suksesin e 27-të në artet marciale mikse, ku nuk ka ende asnjë humbje.
