Kryeministri Edi Rama në takimin e përjavshëm me qytetarë të cilët kanë gjetur zgjidhje për hallin e tyre në platformën e bashkëqeverisjes, tha se megjithë shkëputjen e mësuesve nga partitë politike, ka ende disa drejtorë të cilët duhen larguar nga detyra.
“Ende nuk e kemi shkëputur drejtimin e shkollës nga kthetrat e politikës. Një pjesë duhet të largohen një orë e më parë nga drejtimi i shkollave”
Duke qenë se ankesat më të shumta vijnë nga hipotekat, Rama lajmëroi se në ditët që vijnë ministrja e Drejtësisë do të prezantojë reformën e re të bashkimit të institucioneve që lidhen me titujt e pronësisë.
“Këto ditë ministrja e Drejtësisë do të hapë konsultimin publik për projektin e një reforme rrënjësore e cila do të bashkojë ALUIZNI-n dhe hipotekën në një institucion të vetëm.”
Në pritje të dhënies së rezultateve nga reformat, Kryeministri u bëri thirrje qytetarëve të vazhdojnë të shkruajnë në platformë pasi merr shumë pak kohë dhe shumë prej problemet e tyre mund të marrin zgjidhje.
VAZHDO TË LEXOSH MË TEPËR PËR TEMËN
