Pas heqjes së të gjitha funksioneve si në Partinë Socialiste ashtu edhe në parlament, ish-ministri i Brendshëm Saimir Tahiri ka dalë jashtë skenës politike.
Por me sa duket Tahiri nuk dëshiron të mbetet jashtë jetës publike.
Mësohet se ish-ministri do të rihapë “Zërin e Popullit”.
Nuk bëhet fjalë për gazetën e famshme por një portal me këtë emër.
Ka qenë vetë ish-ministri Tahiri i cili ka konfirmuar vendimin e tij për të hapur këtë web në emrin e tij.
Ndërsa ndodhet nën akuzë nga Prokuroria, Tahiri me sa duket ka vendosur një tjetër lloj rikthimi në jetën publike të vendit, nëpërmjet një medie.
Zeri i Popullit
Ashtu siç rezulton dhe në dokumentet e QKR, Tahiri e ka licensuar aktivitetin e tij nga ana ligjore pasi në 13 shtator të këtij vitit ai e ka regjistruar dhe si biznes, siç edhe shihet qartë në ekstrakt.
Në të dhënat zbulohet se ish-ministri është i vetmi aksioner, me një kapital fillestar prej 100 mijë lekësh, ndërsa si adresë ka dhënë rrugën “Prokop Mima”, e cila ndodhet në afërsi të Komunës së Parisit, pranë banesës së tij.
