Presidenti i Turqisë Rexhep Tajip Erdogan tha të hënën se ai do të përdorë një fjalim në parlamentin e vendit të martën për të zbuluar të gjitha “detajet” lidhur me vrasjen e gazetarit nga Arabia Saudite Jamal Khashoggi në konsullatën saudite në Stamboll.
Duke shqyrtuar gjithë situatën, të martën Erdogan tha: “Pse këta 15 njerëz dolën këtu, përse u arrestuan 18 persona? E gjithë kjo duhet të shpjegohet me detaje”. Udhëheqësi turk nuk tha nëse provat, pra audiot që dokumentojnë vrasjen e Khashuolit brenda konsullatës do të ndaheshin edhe me Arabinë Saudite, SHBA dhe aleatët e saj.
Arabia Saudite ka pranuar se Khashoggi u vra në qytetin turk në fillim të këtij muaji, por ai fajësoi një “operacion mashtrues” dhe mohoi se princi i fuqishëm i tij i kurorës Mohammed bin Salman ka urdhëruar vdekjen e tij.
“Është e qartë se është bërë një gabim i madh dhe se çfarë përbën gabimin ishte përpjekja për të ndryshuar të vërtetën. Kjo është e papranueshme në çdo qeveri,” tha ministri i Jashtëm i Arabisë Saudite Adel al-Jubeir në një intervistë të Fox News, të dielën mbrëma. “Jemi të vendosur të ndëshkojmë ata që janë përgjegjës për këtë vrasje”, tha ai.
Megjithatë, shpjegimi i Arabisë Saudite për mënyrën se si u vra Khashoggi u përball me skepticizëm të gjerë ndërkombëtar dhe akuza për mashtrim, përfshirë edhe nga ligjvënësit e SHBA, që në fillim u përpoqën të shfajësonin princin saudit. Sundimtari de facto i mbretërisë së pasur me naftë gëzon marrëdhënie të mira me Presidentin Donald Trump.
Bob Corker, kryetar i Komitetit të Senatit për Marrëdhëniet me Jashtë, tha të shtunën për CNN se ai besonte se princi i kurorës fshihej pas vrasjes. Ai tha se duhet të ketë një ndëshkim për këtë. Corker gjithashtu i kërkoi Turqisë të dorëzojë prova që Turqia thotë se ka për vrasjen e Khashoggi.
Për më shumë se dy javë pasi Khashoggi u zhduk pas hyrjes në konsullatë më 2 tetor, Arabia Saudite këmbënguli që ai u largua nga ndërtesa. Përfaqësuesit thanë gjithashtu tha se akuzat se ai u vra brenda konsullatës ishin “të pabaza”. Të shtunën, prokurori publik i Arabisë Saudite pohoi se Khashoggi vdiq si rezultat i një “zënke” dhe se 18 shtetas saudit ishin arrestuar në lidhje me rastin.
Intervista e Al-Jubeir të dielën ishte hera e parë që autoritetet saudite përdorën fjalën “vrasje” për të përshkruar rastin e Khashoggi.
Në një intervistë me Washington Post, Trump pranoi se “ka patur mashtrim dhe gënjeshtra, “.
Por ai gjithashtu e vlerësoi princin mbretëror saudit si një “person të fortë” i cili ishte në gjendje të kontrollonte fraksione të ndryshme të kombit të tij dhe që ishte çelësi i lidhjeve të suksesshme ekonomike mes SHBA-së dhe Arabisë saudite.
Britania, Gjermania dhe Franca bënë një deklaratë të përbashkët duke dënuar vrasjen e Khashoggi, duke thënë se ekziston një “nevojë urgjente për sqarimin e saktë të ngjarjes”.
Gjermania u bë gjithashtu vendi i parë që ndaloi eksportet e armëve në mbretëri pas skandalit, me kancelaren Angela Merkel që tha të dielën se shitjet e tilla nuk mund të ndodhin në “rrethanat aktuale”.
VAZHDO TË LEXOSH MË TEPËR PËR TEMËN
Arabia Saudite nën presion
SHBA e zhgënjyer nga Arabia Saudite…
