Ministri i Brendshëm Fatmir Xhafaj ka kërkuar bashkëpunim prej të gjithë vendeve të rajonit me qëllim luftën ndaj krimit të organizuar. Në takimin e përfaqësuesve të lartë të ballkanit dhe një herë ai ka nënvizuar se krimi nuk ka kufij.
”Në këtë kontekst ritheksova edhe një ftesën për ngritjen e Qendrës Rajonale për Bashkëpunimin Policor, e cila ndër të tjera do të shërbente si një nukël koordinimi midis vendeve pjesëmarrëse, jo vetëm sa i takon përballimit të flukseve migratore, por edhe për një sërë çështjesh të tjera që janë shqetësim për vendet e rajonit dhe më gjerë, si: terrorizmi, krimi i organizuar, kontrabandimi i emigrantëve, çështjet e trafiqeve të paligjshme etj.”-tha Xhafaj.
Ndërkohë eurokomisioneri për Emigracionin ka paralajmëruar kundërpërgjigje të forta nëse nuk merren masa për ndalimin e emigracionit të paligjshëm.
”Kemi në fakt ne një përgjegjësi të përbashkët për të bërë. Për t’i dhënë fund njëherë humbjes së jetës së migrantëve, pastaj për të luftuar rrjetet e kriminelëve.”-pohoi Avramopoulos.
Po ashtu ministri Xhafaj deklaroi se shumë shpejt do të ketë aksione ndaj grupeve kriminale ku dhe priten ndalime. Sipas tij Në 11 muaj në Shqipëri janë goditur 9 grupe kriminale me mbi 130 të arrestuar dhe janë sekuestruar 17-18 milionë euro vetëm nga këto grupe kriminal.
VAZHDO TË LEXOSH MË TEPËR PËR TEMËN
Njoftimi i Xhafajt/ Sot dhe nesër Ministeriali i BE-së në Shqipëri
Ministeriali në Shqipëri/ Firmosen 3 marrëveshje
