Amb i OSBE-së Bernd Borchardt i gjendur në qytetin e Korçës ka folur dhe për reformën zgjedhore si dhe deklaratat e kreut të PD-së Lulzim Basha se zgjedhjet parlamentare mund të zhvillohen vitin e ardhshëm bashkë me ato lokale.
I pyetur nëse po shkon sipas pritshmërive reforma zgjedhore, ambasadori Borchardt deklaroi se ky është versioni me i mirë për Shqipërinë.
“Është në dorën e shqiptarëve për të vendosur.
Jemi shumë të angazhuar në procesin e reformës zgjedhore dhe është gjë shumë e mirë që kemi një bazë me themele për diskutim.
Është një baze e sofistikuar për diskutim e cila mund të përmirësohet dhe kjo ka nevojë për një diskutim të gjerë. Më pëlqeu shumë përmirësimi i rregullave të barazisë gjinore. Disa rekomandime teknike nga OSBE-ODIHR nuk janë trajtuar.
Ne vazhdojmë të ngulmojmë që duhen bërë”, tha ambasadori i BE-së.
Lidhur me zgjedhjet e parakohshme parlamentare si një mundësi e hedhur nga opozita, Borchardt u shpreh se i përket qeverisë dhe parlamentit.
“Këto janë gjëra që i përkasin qeverisë shqiptare dhe parlamentit. Kemi kushtetutë dhe rregullore dhe këto janë gjëra që i vendos kushtetuta”, deklaroi Ambasadori Bernd Borchardt.
Ndërkaq për bojkotin e opozitës në parlament, ambasadori tha se Demokracia duhet në parlament.
