Mesotelioma, është një formë e rrallë e kancerit, por vdekjeprurëse që zakonisht ndodh në membranën rreth mushkërive, e quajtur pleurë.
Ky lloj i kancerit është zakonisht rezultat i thithjes së fibrave të asbestit gjatë një periudhe të gjatë kohore. Shumica e njerëzve me mesotelioma, ekspozohen ndaj asbestit në punë, si në kantiera detar, minierë asbesti, një fabrikë automobilistike ose në një shesh ndërtimi.
Çfarë është Mesotelioma?
Indet Mesoteliale ndihmojnë për të mbrojtur organet dhe për të minimizuar traumën gjatë lëvizjes. Përveç pleurit, mesotelia të tjera përfshijnë:
- Peritoneum, i cili mbulon muret e zgavrës së barkut;
- Perikardiumi, i cili mbyll zemrën;
- Tunika vaginalis testis, e cila mbulon organet riprodhuese të brendshme mashkullore;
- Tunika serica uteri, e cila mbulon organet riprodhuese femërore;
- Mesotelioma mund të prekë ndonjë nga këto inde mesoteliale.
Faktori i rrezikut të asbestit
Kur fibrat e asbestit thithen në mushkëri, ata kanë tendencë të qëndrojnë aty dhe kur ekspozimi është i vazhdueshëm, fibrat fillojnë të mblidhen në fund të mushkërive dhe bllokohen në pleurë.
Me kalimin e kohës, kjo mund të çojë në kancer, veçanërisht nëse ekzistojnë faktorë të tjerë rëndues si predispozita gjenetike ose pirja e duhanit.
“Asbesti irriton mushkëritë dhe shkakton inflamacion dhe ndryshimet sekondare në mushkëri dhe hapësirën pleurale mund të çojnë përfundimisht në kancer malinj”, shpjegon Timothy Winton, MD, profesor i asociuar i kirurgjisë dhe drejtor i divizionit të kirurgjisë torakale në Universitetin Alberta, Kanada.
Mesotelioma zhvillohet për pesë dekada dhe mund të kalojë nga ekspozimi i asbestit fillestar në zhvillimin e kancerit. Por kur mesotelioma zhvillohet, bëhet shumë agresive dhe mund të përhapet përtej pleurit tek indet e tjera mesoteliale.
Koha mesatare e mbijetesës me mesoteliomë malinje varion nga katër deri në 18 muaj dhe rreth 10 për qind e pacientëve jetojnë të paktën pesë vjet pas diagnostikimit. Në raste të rralla kur mesotelioma zhvillohet ngadalë, mbijetesa mund të zgjasë deri në 20 vjet.
Mesotelioma është një sëmundje e rrallë dhe vetëm 2000 deri 3.000 raste të reja janë diagnostikuar çdo vit në Shtetet e Bashkuara. Megjithatë, në vende të tjera, incidenca e mesotelioma vazhdon të rritet.
“Për shkak të historisë së përdorimit të asbestit dhe latencës së gjatë të njohur ndërmjet ekspozimit dhe zhvillimit të sëmundjes, incidenca e kësaj sëmundjeje nëpër botë do të vazhdojë të rritet gjatë dy – tre dekadave të ardhshme,” thotë Dr. Winton.
“Ka shumë punëtorë anembanë botës që janë ekspozuar në një mjedis industrial, të cilët duhet të ndiqen me kujdes”. Nëse mendoni se keni qenë i ekspozuar ndaj asbestit, vini në dijeni mjekun dhe bëni kontrolle të rregullta. Ashtu si në shumicën e kancereve, diagnoza e hershme është e rëndësishme për trajtimin e kësaj sëmundjeje.
