Ardhja e klandestinëve nga Lindja e mesme nëpërmjet Greqisë në vendin tonë duket një sezon I mbyllur. Aktualisht, policia kufitare shqiptare regjistron kapje të rralla të këtyre klandestinëve në krahasim me muajt e verës.
Një burim i kësaj policie, bëri të ditur se gjatë kësaj jave është kapur vetëm një klandestin algjerian. Stina e vjeshtës, ftohja e motit dhe sidomos dita e shkurtër, mendohet se nuk favorizojnë më klandestinët që vijnë në rrugë tokësore.
Ata nuk mund të orientohen apo të udhëtojnë në kushtet e vështira të motit dhe ditës së shkurtuar. Sipas policisë në rënien e theksuar të numrit të klandestinëve ka ndikuar edhe ndërprerja e lidhjeve të tyre me trafikantët.
Policia ka kryer disa arrestime dhe shoqërime të shtetasve shqiptarë që ndihmojnë klandestinët për qëllime fitimi. Pak kohë më parë u ndaluan nga policia dy trasportues të klandestinëve nga Devolli.
Pamundësia në rrethana të tilla për të mbërritur në destinacion si Mali i Zi apo vende të tjera ka ulur interesin e klandestinëve për të ndërmarë aventura në territorin shqiptar.
VAZHDO TË LEXOSH MË TEPËR PËR TEMËN
Ndalohen 23 emigrantë në Devoll
