Një video e bërë nga aktori me famë botërore Will Smith po qarkullon në rrjetet sociale menjëherë pas përfundimit të sezonit të Formula 1. As “rrëmbimi” dhe lidhja në karrige nuk e ndalur pilotin britanik Lewis Hamilton që të fitojë në Abu Dhabi.
Piloti britanik la pas gjermanin Sebestian Vetel, duke u konfirmuar si kampion absolut i Formula 1. Disa orë para startit të garës, Hamilton u “mor peng” nga ylli i Hollywood-it, Will Smith, i cili e lidhi britanikun në një karrige dhe i kërkoi që të garonte ai në pistën e Abu Dhabit, duke qenë se janë të ngjashëm.
“Unë me ngjyrë, ti me ngjyrë. Ne jemi të ngjashëm, ata nuk do të na vërejnë”, – shprehet aktori. E gjitha kjo në kuadër të shakasë, teksa video nga momenti i “rrëmbimit” të Hamilton nga Will Smith është duke bërë xhiron e internetit.
Ata janë dëfryer gjatë këtyre ditëve në Abu Dhabi, duke rikonfirmuar shoqërinë e mirë mes tyre.
