Pas 12 vitesh punë për ndërtimin e tij dhe 15 milion paund investim, një super kompjuteri gjigand i cili vepron si një tru njerëzor ka hyrë në funksion.
Ndërtuar nga Universiteti i Mançesterit, SpiNNaker përbëhet nga 1 milion procesorë dhe mund të kryejë 200 trilion veprime në sekondë.
Ndryshe nga kompjuterët tradicional ai nuk funksionon duke dërguar informacione nga pika A tek B-ja përmes një rrjeti standard.
Përkundrazi bazohet mbi arkitekturën paralele të komunikimit të trurit njerëzor duke dërguar sasi të vogla informacionesh në destinacione të ndryshme përnjëherë.
“Kemi krijuar një makineri e cila funksionon pak a shumë si truri njerëzor dhe jo si kompjuterët tradicionalë”- shprehej profesori Steve Furber pranë Universitetit të Mançesterit.
SpiNNaker është hapi i parë drejt krijimit të një modeli biologjik i cili gjithashtu do të ofrojë informacione për mënyrën sesi truri i njeriut funksionon, raporton PCW.
