22.11.2018 - 15:57
Një ditë plot tensione ishte kjo e sotmja. Pas protestës që u zhvillua para Kuvendit, e cila u shoqërua me përplasje mes banorëve të Unazës së Re, që protestonin kundër shembjes së shtëpive të tyre dhe policëve, pati disa të plagosur.
Mes të plagosurve ishin 12 punonjës policie dhe 3 protestues, të cilët po marrin mjekim në Spitalin Ushtarak.
Duke marrë shkas nga kjo situatë, kryeministri Edi Rama ka shkuar në spitalin e Traumës, ku do të vizitojë të plagosurit.
Kujtojmë se mes policëve të plagosur, të cilët ishin në krye të detyrës, një efektive humbi 4 gishta nga shpërthimi i një kopsolleje, ndërkohë një tjetër humbi dëgjimin.
Në hyrje të spitalit Rama është pritur edhe nga familjarët e protestuesve të lënduar.
VAZHDO TË LEXOSH MË TEPËR PËR TEMËN
Protesta para Parlamentit
