SHBA, e reja nga Korça humb jetën në një aksdent

Si pasojë e një aksidenti me makinë, një shqiptare ka humbur jetën në Shtetet e Bashkuara të Amerikës.

Ngjarja ka ndodhur rreth orës 06:30 të mëngjesit në Livonia, Westland dhe viktima është Klivja Çaçi, 25 vjeç nga Korça.

Shqiptarja po udhëtonte me makinën e saj tip ‘Chevrolet’ dhe në përpjekje për të dalë në anën tjetër të rrugës, humbi kontrollin e automjetit duke gjetur vdekjen e menjëhershme.

Mediat amerikane raportojnë se Klivja Çaçi jetonte e vetme prej dy vitesh në Amerikë dhe kishte shkuar përmes Lotarinë Amerikane.

Trupi i të ndjerës ndodhet ende në SHBA, pasi nevojitet një shumë e konsiderueshme parash për dërgimin në Shqipëri. Në internet ka nisur një fushatë për mbledhjen e shumës së parave të nevojshme.