Prokuroria Themelore në Gjilan, Departamenti për Krime të Rënda, bazuar në Kodin e Procedurës Penale të Kosovës dhe Ligjin për Bashkëpunim Juridik Ndërkombëtar në çështjet penale, ka ndaluar të pandehurin S. R., shtetas i Maqedonisë, në kohëzgjatje prej 48 orëve.
Sipas komunikatës dërguar nga Prokuroria Themelore në Gjilan, i pandehuri ka qenë në kërkim nga INTERPOL-i, në bazë të një fletë arresti të lëshuar nga autoritetet e Austrisë dhe i njëjti është ndaluar duke hyrë në territorin e Kosovës nga Serbia.
“Dyshohet që më 06 gusht 2018, i pandehuri në qytetin e Vjenës, ka kryer veprën penale, e cila është e sanksionuar sipas akteve ligjore mbi Drogat dhe narkotikët e shtetit Austriak, ose veprën penale ‘Blerja, posedimi, shpërndarja dhe shitja e paautorizuar e substancave psikotrope ose analoge’, e paraparë në nenin 273 paragrafi 1 të Kodit Penal të Republikës së Kosovës, pasi që te i njëjti janë gjetur 8 kilogram substancë narkotike, e llojit Kanabis“, thuhet në kuminikatën për media.
Para dy ditësh Asambleja e Përgjithshme e INTERPOL-it, e cila u mbajt në Dubai nuk votoi pro anëtarësimit të Kosovës në këtë organizatë të bashkëpunimit policor. /Konica.al/
VAZHDO TË LEXOSH MË TEPËR PËR TEMËN
Arrestohet në Maqedoni shtetasi shqiptar i kërkuar nga INTERPOL-i
Arrestimi i shqiptarit të shumëkërkuar/ Reagon policia
